ඔබ

මා අද තනියම,
ඔබ එනතුරු මග,
බලමින් නිදි නැත ,
හද ගොලු වී ඇත

~~ඉතිරි ටිකත් කියවන්න..

පෙම් බස් දෙඩුවෙමු ......

අද හරිම අවිවේකී දවසක් කිව්වොත් හරි. දවසෙම වැඩ තිබුනා. උදෙන්ම මම ඉගෙනගත් පාසලට ගියා, ඊට පස්සෙ කොම්පූටරයක් හදන්න ගියා, එතනත් කාලෙ කෑවා, සී.ඩී එකේ අවුලක්, බූට් වෙන්නෙ නෑ.
ආ කියන්න බැරිව ගියා, හෙට ට්‍රිප් එකක් යනවා, ඒකට ලෑස්ති වෙන්න ගියා හවස, යන අතරමග පොලිසියෙන් මාර්ග නීති කැඩුව කියල ඇල්ලුවා. දඩ ගැහුවෙ නෑ, කෙලින්ම උසාවි දැම්මෙ.

~~ඉතිරි ටිකත් කියවන්න..

කුමක්ද සත්‍යය ?

අද දවස හරිම භයංකාර දවසක්.  කලුවර අහසේ තැනින් තැන පායා තිබූ තරු දෙස නෙත් යොමා උන් මම, තදින් සුසුම් හෙලන්නට වීමි. මා නිදා සිටි, බැරල් කීපයක් එකතුකොට ගෝනි කඩමාල්ලක් දමා තිබූ මාගේ සුවදායක යහනාවද, කෙඳිරිගාමින් සිටියේ, මා තනිකර දමා යාමට මෙන්යැයි මට සිතුනි.

~~ඉතිරි ටිකත් කියවන්න..

ඇයි මේ....මේකට විසඳුම් නැද්ද ???

මේ දවස්වල හරියට වහිනවා. කාලෙකින් තමයි ලියන්න හිතුනේ.. වහින නිසාද මන්ද ලියන්න කම්මැලි. සීතලට සෛල ප්‍රබෝධමත් වෙන්නෙ හෙමීට වෙන්න ඇති. ඒක නිසා මම ලියන්න හිතුව ටිකක් කම්මැලිකම යන්නත් එක්ක.

ඔයාලට මතකත් ඇති, පේරාදෙණිය ඉන්ජිනේරු පීඨයේ තිබුනා ප්‍රදර්ශනයක්, තාක්ශණික.

~~ඉතිරි ටිකත් කියවන්න..

ඔටුවෝ

මේක මගේ යාලුවෙක්ට වෙච්ච කතාවක්...ඔන්න නුවර අයිනක ඉන්න කොල්ලො ටිකක් ට්‍රේනින් කියලා කොලොම්පුරේ ගියා. මුන්ට ඉතින් පිස්සු වගේ. කවදා කාපු ටකරංද? 

එක එක ජාතියේ වාහන... 

පාට පාට සරුංගල් වගෙ කෙල්ලො...

~~ඉතිරි ටිකත් කියවන්න..

රෙද්ද....

මේක ඇත්ත කතාවක් කියල තමයි, මට කියපු කෙනා කිව්වේ. ඉතින් මමත් හිතනව ඇත්ත කතාවක් කියල ඔයාලත් කියවල බලන්න.

මේකයි කතන්දරේ.. /hihi

දවසක් කාන්තාවකට සනීප නැතිවෙලා රෝහලේ නතර කරාලු. ඉතින් කාව හරි රෝහලක නතර කලාම , කෑම්, බීම් සපයන්න ඕනනේ. ඉතින් ඕක භාර උනේ මේ කාන්තාවගේ පොඩි කොල්ලටයි, ලොකු කොල්ලටයිලු.

~~ඉතිරි ටිකත් කියවන්න..

හරිම පුදුමයි. ගුප්තයි.. 2

මම කලින් පෝස්ට් එකක් ලිව්වා, ළමයෙක්ට, නයෙක් වැහුන සිද්දියක්, ඒ පෝස්ට් එකට සමහරු නරක බැනලත් තිබුන බොරු කියන්න එපා කියල, ඒත් ඒ සිද්දිය ඔයාල දන්නව, වෙන්නප්පුව පැත්තට වෙන්න ඉන්නවනම්. ඒත් මමනම් දන්නෙ නෑ, සම්පූර්න විශ්වාසයකුත් නෑ, ඒ ගැන. මම ඔයාලගේ දැනගැනීම පිනිසයි මේ ලිපිය ලියන්නේ, ඒක නිසා මට දොස් කියල වැඩක් නෑ හොඳද? /blur

ඉතින් කතාවේ අලුත්ම තොරතුරු, කලින් පෝස්ට් එක කියෙව්වෙ නැත්නම් මෙතනින් බලන්න.

~~ඉතිරි ටිකත් කියවන්න..

හිතෙන් ගුණ කිරීම කරන්න ලේසි ක්‍රමයක්

මම මේ ලිපිය ලියන්න හිතුවෙ පොඩි කාරනාවක් නිසා, මොකක්ද, මම දැක්ක මල්ලි කෙනෙක් පොඩි ගුණ කිරීමක් කරනව, ඉලක්කම් 3ක සංඛ්‍යා දෙකක්. ඉතින් එයාට ඒ ගුණ කිරීම කරන්න රූල් 3ක් එක්ක, ඉලක්කම් එකින් එක වැඩි කරන්න උනා. ඉතින් ඒකට වෙලා යනවනෙ. මට බලන් ඉඳලම එපා උනා. ඉතින් එයා ඒ ගාන හැදුවට පස්සෙ මම එයාට කියල දුන්න එක පේලියෙන් ඕනෙම ඉලක්කම් ගනනකින් යුත් සංඛ්‍යා 2 ක් ගුණ කරන විදිය. ඉතින් මම හිතුව ඔයාලටත් ඒ ක්‍රමේ කිව්වොත් ප්‍රයෝජනවත් වෙයි කියල.

~~ඉතිරි ටිකත් කියවන්න..

හාඩ් ඩිස්ක් දෙයියෝ, බේරගන්න..

ගොඩ කාලෙකට පස්සෙ ලියන්න යන්නෙ මට උන සිද්දියක් ගැන. මේක ඔයාලටත් වැදගත් වේ කියල හිතුන නිසයි මම ලියන්න හිතුවෙ. /hihi

මගේ කොම්පූටර් එකේ, හැමදාම සද්ද බද්ද, චර බරාස් , චර බරාස් ගගා තමයි දුවන්නෙ. ඒත් මම ගනන් ගත්තෙ නැහැ මොකද මම ගොඩාක්ම පාවිච්චිය ලැප් එක හින්ද. ඒ උනත් මගේ ෆිල්ම්ස් ටිකයි, සොෆ්ට්වෙයා ටිකයි තිබුනෙ කොම්පූටෙර් එකේ.

~~ඉතිරි ටිකත් කියවන්න..

හරිම පුදුමයි. ගුප්තයි..

අද ලියන්න යන්නේ, ටිකක් විශ්වාස කරන්න අමාරු කතාවක්. ඒත් මේක සත්‍ය සිද්දියක්. /please

අපේ ගම් පලාත් කිට්ටුව තියනව ගමක්, ඉතින් ඔය ගමේ ගොඩාක් කාලෙක කලින් ඉඳන් ජීවත් වෙලා ඉඳල තියනව, නයි ජෝඩුවක්. ඒ කියන්නෙ, නයෙකුයි, හැපින්නකුයි. ඔය ජෝඩුවට කාගෙන්වත් කරදරයක් තිබිල නැහැ. මොකද , ගමේ හැමෝම දන්නවලු ඔය නයි ජෝඩුව ගැන. ඉතින් උන්ගෙනුත් කාටවත් කරදරයක් වෙලා නැති නිසා ගමේ කට්ටිය මේ නයි ජෝඩුවට ඉන්න දීල.

~~ඉතිරි ටිකත් කියවන්න..

හපොයි නංගි, මොකද ගවුමට උනේ?

අද හරිම අවිවේකී දවසක්. කොළඹ යනව කියන්නේ එපාම කරපු වැඩක්නෙ. මොකද හරිම රස්නෙයි. ඉතින් එපා වෙනව. අද මම කියන්න යන්නෙ කොළඹ ගිහින් උන වැඩක් ගැන. /hihi

අද පංති බම්බලපිටියෙ. ඉතින් සුපුරුදු විදියට කෝච්චියෙ ගියා, බම්බලපිටි. පන්ති ගියා. කරුමෙට(අපිටනම් ඉතින් ෆුල් ආතල්) පන්ති වේලාසනින් අහවර උනා. යාලුවෙක් එක්කපන්ති ඉවර වෙලා එම්.c එක පැත්තෙ රවුමක් ගහල කාලෙ ටිකක් කන්න කියල ලෑස්ති උනේ, මොකද මම උදේටත් කාල උන්නෙ නෑ. ඉතින් ඒකටත් හෙනහුරෙක් පාත් උනා.

~~ඉතිරි ටිකත් කියවන්න..

මාරාන්තික උපවාස.... ඒකෙත් හැටි ඕං....

දේශලනය කියන්නේ, කතා කරන්නවත් සුදුසු මාතෘකාවක් නොවුනත්, මාරාන්තික උපවාසයක් ගැන කන වැටුනු නිසා පොඩි ලිපියක් ලියන්න හිතුවේ. ලංකාවේ ඉන්න කෘතක්ජන පුද්ගලයො වශයෙන්, ඔයාලට කියන්න ඕනේ නෑනෙ ලංකාවේ දේශපාලනය ගැන. හරියට නිකම් වතුර හිඳිල ගිය මඩ වලක් නාන ඌරො රන්චුවක් මතක් කරගන්නකො. /wahaha

මම කියන්න ගිය කතාව කියන්න කලින් පොඩ්ඩක් මේක බලල ඉන්නකො, ඔයාලටත් තෙරේයි. බලන්නකො ඔය  තියන වීඩියෝ එක.

~~ඉතිරි ටිකත් කියවන්න..

අක්කේ, මොකද ඔරවන්නේ?

මොකද මන්ද මේ ටිකේ හරිම කම්මැලි, ලියන්නත් හිතෙන්නෙ නැහැ. ඒ උනාට මේ සිද්දියනම් ලියන්නම ඕනි කියල හිතුනා. මොකද ටිකක් කොල්ලන්ට සෙට් වෙන කතාවක්.


මම වැඩට යන්නෙ දුම්ර්‍රියෙ, ඉතින් ඕකේ යනකොට වෙන එක එක දේවල් ඔයාලත් අහල ඇතිනෙ. මම කියන්න යන්නෙ මම ගුටි නොකා අනූ නවයෙන්
බේරුනු කතාවක්. /no


ඔන්න ඉතින් වෙනදා වගේම වැඩත් ඉවර වෙලා ආව දුම්ර්‍රිය පලට. සෙනඟ පිරිල. දන්නවනෙ ඔෆිස් ඇරිල ගෙදර යන අය තමයි ගොඩාක් ඉන්නෙ.

ගොඩාක් අයට හැමදාම දුම්ර්‍රියෙ යන, තියනව තමුන්ට වෙන් උන පෙට්ටියක්. ඒ කියන්නෙ ඒ අය හැමදාම යන්නෙ ඒ පෙට්ටියෙ. ඒ පෙට්ටියෙ ඉන්න ඕන කෙනෙක්ව දන්නව ඒ පෙටිටියෙ හැමදාම යන අය. ගොඩාක් දවස් වලට පාර්ට්ස් තියනව. ඒ කියන්නෙ කවුරු හරි කන්න අරන් එනව කට්ටියටම කේක්, බිස්කට් වගේ දේවල්. ඒට පස්සෙ සෙට් එකම වල් පල් දොඩව දොඩව යනව.

ගොඩාක් අය උදෙන්ම නැගිටල වැඩට යන්න කම්මැලියි. අපේ සෙට් එකේ අය. කෝච්චියේ යන්න පටන් ගත්තු දා ඉඳන් කට්ටිය වෙලාවටත් කලින් නැගිටල ස්ටේශමට එනව. මොකද, හැමදාම යන අක්කල, නන්ගිල එක්ක ලයින් එක දාගෙන යන්න පුලුවන්නෙ. :D

හරි. ඉතින් මටත් තියනව ඒ වගේම වෙන් උන පෙට්ටියක්. මම වැඩට යන්න පටන් ගත්තු කාලේ, එහෙම විශේශ පෙට්ටියක් තිබුනෙ නෑ. මම වැඩ කරන තැන (ප්‍රසිද්ද මාධ්‍ය ආයතනයක්) අක්ක කෙනෙක් තමයි කිව්වෙ, මල්ලි යමු මම යන පෙට්ටියෙ කියල. ඉතින් මමත් ඔය පෙට්ටියට සම්බන්ද උනේ ඔන්න ඔහොමයි.


ඒකත් හරිය කියමුකො. ඉතින් පෙරේදා මම ස්ටේශන් එකට එන්න පරක්කු උනා, අක්කවත් මිසින්, ඉතින් මම එනකොට කෝච්චිය ඇවිත්, පෙටිටිය බල බල උන්නෙ නෑ නැග්ග දොරකින්, තව විනාඩියක් වෙලා ගියානම් නැගගන්න වෙන්නෙත් නෑ. ඉතින් මේ පෙටිටියට ගොඩ වෙලා ඇතුලට ටිකක් ගියා. සෙනග පිරිල. මොනව කරන්නද. ඉතින් පැත්තකට සයිඩ් වෙලා උන්න.

මෙන්න මට ඉස්සරහ අක්ක කෙනෙක්.  ඒ අක්ක ෆෝන් එක කනේ ගහගෙන මල් කඩනව පාරත් හරස් කරගෙන. පිටිපස්සෙන් ඉන්න සෙනග ලෝඩ් එකම මගේ ඇඟ උඩ. මම බොහොම අමරුවෙන් එල්ලිල උන්නෙ. ඉතින් මේ අක්කගෙ දැඟලිල්ල එන්න එන්නම වැඩි වෙනව.

 ඒ මදිවට කාගෙ හරි උපන්දිනයක්, මෙයාටත් කේක් කෑල්ලක් හම්බුනා, මෙයත් හැමදාම ඒ පෙට්ටියෙ යන නිසා වෙන්න ඇති. එක පාරටම මගෙ ඇඟ ආව කොච්චිය බ්‍රේක් ගහද්දි, ඒ අක්කව, මාව දැන් දෙපැත්තෙන්ම තැලෙනව. මොනව කරන්නද. මම  ඒ අක්කට කිව්ව,

"අක්කෙ පොඩ්ඩක් අයිනට වෙනවද?"  /XD

 කියල. මෙයා ගනන්වත් ගත්තෙ නෑ ඔන්න, හරියට නිකම් මෙයාගෙ වගේ කෝච්චිය. මොනව කරන්නද, අසරන මම තැලි තැලි උන්න. ඔය යන ගමන් මට ඉන්නම අමාරුයි. ඉතින් මම කකුල පොඩ්ඩක් එහාට කෙරුව. අර අක්ක මං දිහා ඔරොවල බැලුව. මම බැලුව මේ මොකද කියල. අක්කගෙ කකුල පෑගිලාද කොහෙද.

මම සොරි කිව්වා. මෙයා මට දුන්න වද වල හැටියට ඕක මොකක්ද කියලයි මම හිතුවෙ. තවම එය ඇබරි, ඇම්බරි මල් කඩනවා. ඉතින් මෙයා දැන් ලොකු ඉඩක් අරගෙන කකුලත් ඈත් කරන් හොඳට මල් කඩනවා.
මමත් බොහොම අමාරුවෙන් තෙරපි තෙරෙපි උන්න, මොනව කරන්නද කියල හිත හිත. ටික වෙලාවකින් ආයෙත් මන් දිහා ඔරොවල බලනව.
මට තරහ ගියා.

"අක්කෙ මොකද ඔරවන්නෙ?"  /shock

කියල මමත් සැරෙන් ඇහුවා. මෙන්න ආයෙමත් ඔරොවල, එහා පැත්ත බලගෙන ෆෝන් එකත් තියල මොනවද කුටු කුටු ගානවා, එහා පැත්තෙ එයාගෙ සෙට් එකත් එක්ක.

මමත් මං දිහත් බලනව ඒ අක්ක දැන්. මම හිතුව එන පොට හොඳ නෑ.  /blur ගියා කට්ටියව තල්ලු කරගෙන ඉස්සරහටම. මගේ සුපුරුදු පෙටිටියටම, නැත්තමම් බැරි වෙලාවත් සංග්‍රහයක් වත් හම්බ උනොත් එහෙම ඒ පෙට්ටියෙන්. ඇයි ඉතින් මම මොනව කිව්වත් අනිත් අය ගන්නෙ පෙට්ටියෙ අඳුනන කෙනාගේ පැත්තනේ.

මොනවා කරන්නද? ඒ ඉතින් සමාජෙ හැටි. මොන වරදක් කලත් තමන් අඳුනන කෙනෙක්නම්, එයා හරි, අනිත් එක්කෙනා තමයි වැරදි. ඒක ලංකාවෙ හැටියක්නෙ.

එදායි පස්සෙනම් ඒ පෙටිටිය දිහා හැරිලවත් බැලුවෙ නෑ. අපෝ මහ එපා කරපු පෙට්ටියක්. ඔයාලත් කොළඹින් 5.10 පුත්තලම් කොච්චියේ යනවනම්, පිටිපස්සෙ ඉඳන් 2 වෙනි පෙට්ටියෙ යන්න එපා. මහ එපා කරපු පෙටිටියක්.

ඔන්න ඕකයි කතාව..

තව කතා ගොඩාක් තියනව යද්දි , එද්දි උන, පසුවට ගෙන එන්නම් ඔබ වෙතට.

ජය වේවා..

~~ඉතිරි ටිකත් කියවන්න..

ඔබගේ දුරකතනය නැති වී තිබෙනවාද?

මම අද ලිපියක් ලියන්න නෙමේ උන්නෙ. ඒත් මට උන පොඩි සිද්දියක් නිසා මම මේ ලිපිය ලියන්න හිතුවෙ..  /floor

අද මගෙ පෞද්ගලික දුරකතනයට කවුරු හරි ගේමක් දීලා, දැන් ෆොන් එක නෑ. කවුරු ඉස්සුවද දන්නෙ නෑ. මම ගමනක් යනකොට තමයි මේ සිද්දිය උනේ. ආපහු එනකල් දන්නෙ නෑ ෆොන් එක නැති වෙලා කියල. ඉතින් මම හිතුව ෆොන් එකක් නැති උනාම කරන්න ඕන දේ ඔයාලටත් ටිකක් හරි වැදගත් වෙයි කියල. ඒකයි මේ ලිපිය ලියන්න හිතුවෙ.

මේ ක්‍රියාමාර්ගය ශ්‍රීලංකා විදුලි සන්දේශ නියාමන කොමිෂන් සභාවෙන් තමයි අරන් තියෙන්නෙ. ඔබගේ වටිනා දුරකතනයක් නැති උවහොත්, මේ ක්‍රියාමාර්ගය ගන්න.

තවත් දෙයක් තියනවා කියන්න. ඕනෑම දුරකතනයක තියනවා IMEI කියල අංකයක්. ඒ අංකෙ තියනවනම් ඔයාලට පහසුවෙන් නැතිඋන ෆෝන් එකක් හොයාගන්න පුලුවන්, මොකද ෆෝන් එකේ සිම් පත මාරු කලත් IMEI අoකය වෙනස් වෙන්නෙ නැති නිසා, වෙන සිම් පතක් ඇතුලත් කර කතා කිරිමේදී ෆෝන් එක තියන තැන හොයාගැනීමට හැකි නිසා. ඔබත් අදම ඔබගේ IMEI  අංකය සොයාගෙන කොහේ හෝ සඳහන් කර තබාගන්නවානම් වඩාත් හොඳයි..

*#06# මගින් ඔබට එම අංකය ලබාගත හැකියි. එය ඉලක්කම් 15 කින් යුත් අංකයකි. 

~~ඉතිරි ටිකත් කියවන්න..

පෝස්ට් වලට Smileys එකතු කරගන්න කැමතිද?

අද වැඩ ගොඩායි.ඒත් පොඩි ලිපියක්වත් ලියන්නෙ නැතිව ඇඟට නිකං මොකක්ද වගේ. ඒක නිසා මම ඔයාලට අරන් ආව, පොඩි ට්‍රික් එකක්. බ්ලොගයේ ලිපි ලියනකොට ඒවාට  එකතු කරන ඉතාමත් පහසු ක්‍රමයක්.
  /hihi රන්  

•   යන්න Design  --->  Edit HTML එකට.
• CTRL+F වලින් (සර්ච් කරන ශොට් කට් කී එක ) ගහල සර්ච් කරල </head> තියන තැන හොයාගන්න.
• දැන්  </head> කෝඩෙට  උඩින් මෙන්න මේ ස්ක්‍රිප්ට් කෑල්ල පේස්ට් කරල දාන්න.

      <script src="http://mltan100.googlepages.com/emoticons.js" type="text/javascript"/>

 
ඊට පස්සෙ ටෙම්ප්ලේට් එක සේව් කරන්න. එච්චරයි.
ඉතින් මේන් මෙහෙම තමයි සලකුනු ස්ථාපනය කරන්නෙ. ඊට පස්සෙ අපි ඒවා භාවිතා කරන හැටි ඉගෙන ගමු.

: )       : P:       D      : ) )      = ) )      = D >          /wa ha ha         / hi hi        



/ o m g         / n o             / dig nose       / s w e a t            / s h o c k     


/ f l o o r        / h m m        / X D           / b l u r                / b l u s h 



/ no big deal          / p l e a s e                        / b y e

ඔයාල ටයිප් කරනකොට මේ වචන නිකම්ම Compose එකේ ටයිප් කරන්න විතරයි තියෙන්නෙ. ස්පේසස් නැතිව. මම ස්පේසස් තියල තියෙන්නෙ ඔයාලට වචනෙ පෙන්නන්න ඕනි නිසා.

තව ගොඩාක් ක්‍රම තියනව මේ වගේ පෝස්ට් බොඩි එකට රූප එකතු කරගන්න. ඔයාලටත් පුලුවන් මේ ස්ක්‍රිප්ට් ලින්ක් එක පොඩ්ඩක් බලල ඔයාලගෙම රූප හදාගන්න. මම හදපු එකක් පසුවට ඔබලා වෙත ගෙන එන්නම්.
එතෙක් ජය වේවා....   /bye

~~ඉතිරි ටිකත් කියවන්න..

HTML/JavaScript ගැජෙට් එකක ටයිට්ල් එක නැතිව සේව් කරමුද?

මම මේ පෝස්ට් එක ලියන්නෙ, අපේ සෑම් සහෝගේ ලිපියක් දැක්ක නිසා. එක ලිපියක තිබුනා අපිට ගැජෙට් කෑල්ලක Title එක නැතිව කෝඩ් එකක් සේව් කරගන්න බැරි කතාවක්. ඉතින් මටත් ඒ සිද්දියම උනා. ඒකට හේතුව කියන්න තමයි අද මම සැරසෙන්නෙ.

ඉතින් ඔය සේව් කරන්ට බැරි ලෙඩේ එන්නෙ හිටපු ගමන්ම. ඒ මොකද අපි කරනකොට, සමහර කෝඩ්ස් වෙනස් වෙනව. එක එක ලෙඩ එනවා. ඔයාල ජූම්ල පාවිච්චි කරල තියනවනම් අත් දැකල ඇති සමහර ප්ල්ගින්ස් දැම්මම සයිට් එකේ ගැජෙට්ස් වලට පිස්සු හැදෙනව. අන්න ඒ වගේ තමයි මේකත්.

මේකෙදි වෙන්නෙ ගැජෙට් වල තියනව (In Edit HTML) ,

 <b:if cond='data:title != &quot;&quot;'>   කියල කෝඩ් එකක්. ඒකෙ තියන විදියට ගැජෙට් එකට ටයිට්ල් එකක් නැත්නම්  එක පල කරන්න එපා කියල  කියන්නේ.
ඉතින් ඒක නැති කරන්න පුලුවන් කෝඩෙ  ටිකක් වෙනස් කරල.

මෙහෙමයි.

1.. Edit HTML ගිහින් Expand Widget Templates යන්න

2.. ඊට පස්සෙ CTR+F ගහල (ශෝට් කට් එක සර්ච් කරන )
     <b:if cond='data:title != & quot;&quot;'>      හොයාගන්න.
     අදාල විජට්ටුව(මෙහි ඔබ එයට දැමු ටයිට්ල් එක තියන නිසා ඔබට සොයගැනිම පහසුයි ) පමනක්.

3.දැන් එක මකල ඒ වෙනුවට මේ කෝඩ් එක දාන්න.
    <b:if cond='data:imagePlacement == &quot;REPLACE"'>

මකා දැමිය යුත්තේ සහ අලුත් කෝඩ් එක රිප්ලේස් කල යුත්තේ ඔබට අනවශ්‍ය   ටයිට්ල් එක එක සහිත විජට්ටුවෙහිය.

හරිම පහසුයි. 

• ඉතා වැදගත්:  ඔබ  <b:if cond='data:title != & quot;&quot;'> , මකා දැමිය යුත්තේ සහ අලුත් කෝඩ් එක රිප්ලේස් කල යුත්තේ ඔබට අනවශ්‍ය   ටයිට්ල් එක එක සහිත විජට්ටුවෙහිය.

• පලමුව Design--Add a Gadget--HTML/Java--එකට Title එකක් දෙන්න. එකේදි  Title එක තිබුනට කමක් නෑ. ඊට පස්සෙ මම කියපු විදියට Edit HTML(Expand Widget Templates)කෝඩ් එක ගිහින් එයට අදාල විජට්ටුව(මෙහි ඔබ එයට දැමු ටයිට්ල් එක තියන නිසා ඔබට සොයගැනිම පහසුයි ) පමනක් සිදු කරන්න.

ගැටලුවක් ඇතොත් විමසන්න..
තව අපේ සසීන්ද්‍ර මලයා කිව්වා,  ALT+0160 මගිනුත් , ඒ කියන්නේ ටයිට්ල් එක හිස් තියල, බොඩ් එකේ ලියන්න ඕන දේවල් ලියල ALT+0160 ගහල එක ඔබපුවමත් සේව් වෙනව කියලා...

මම ගිහින් එන්නම් එහෙනම්..

~~ඉතිරි ටිකත් කියවන්න..

ටයිට්ල් එක මූව් කරන්න වැඩ කෑල්ලක්..

මම අද ලිපියක් ලියන්න යන්නෙ ගොඩ කාලෙකට පස්සෙ. හැමදාම ලියන බහුබූත වලට වැඩිය අලුත් දෙයක් ලියන්න කියල මට හිතුන. ඒක ඔයාලටත් ටිකක් හරි ප්‍රයෝජනයක් වේ කියල හිතෙනවා.

 

 ඔයාලගෙ බ්ලොග් එක ටිකක් ලස්සන කරගන්න වැඩක් තමයි මම අද කියන්න යන්නෙ. බ්ලොග් එක කිව්වට බ්ලොග් එකම නෙමේ.  බ්‍රව්සර් එකේ උඩින් යන නමට පොඩි මූව් එකක් දෙන්නයි අද මම යන්නෙ.

ඔය උඩින් තියෙන්නෙ  Moving Title කියල. ඒක කියල දෙන්න තමයි මම අද යන්නෙ.
ඔයාල  මුලින්ම කරන්න ඕනේ බ්ලොග් එකේ  Design එකට ගිහින් Edit HTML එකට යන්න. ඊට පස්සෙ
CNTRL+F ප්‍රෙස් කරපුවම සර්ච් බාර් එක එනව(ශෝට් කට් කී එක ).  එතන ටයිප් කරල පේජ් එකේ

<title><data:blog.pageTitle></title>

තියෙන තැන හොයාගන්න.

හරිනෙ එහෙනම්. ඔන්න ඊට පස්සෙ ඔය පේලියට හරියටම යටින් මෙන්න මේ ස්ක්‍රිප්ට් එක පේස්ට් කරන්න.
(ලින්ක් එකට ගිහින් බලන්න. මම ස්ක්‍රිප්ට් එක හොස්ට් කරල තියෙන්නෙ.)
http://freetexthost.com/qoea215so5

<script>
var repeat=1 //enter 0 to not repeat scrolling after 1 run, otherwise, enter 1
var title=document.title
var leng=title.length
var start=1
function titlemove() {
titl=title.substring(start, leng) + title.substring(0, start)
document.title=titl
start++
if (start==leng+1) {
start=0
if (repeat==0)
return
}
setTimeout(&quot;titlemove()&quot;,140)
}
if (document.title)
titlemove()
</script>
 

ඔන්න ඕකයි කරන්න තියෙන්නෙ. ඊට පස්සෙ ඔයාලගෙ ටයිටල් එකත් මේ වගේ ගමන් කරයි.
මම දීල තියන ලින්ක් එකෙන්ම කෝඩ් එක ගන්න. පොඩි පොඩි අස්පට් තියනව පෝස්ට් එක  ලියද්දි උන. ඒක නිසා උඩ තියන ලින්ක් එකෙන් ගන්න එක හොඳයි(මෙතනිනුත් ගන්න පුලුවන්)... හොස්ට් කරල තියෙන්නෙ මම.

නැවත ලිපියක් තුලින් හමුවෙමු.

~~ඉතිරි ටිකත් කියවන්න..

සිහිනේ සිහිනෙන් ආ මල් මාලතියේ....

ගොඩක් කාලෙකින් මොනව හරි ලියන්න කියල හිතුනත්, හිතට කිසිම අදහසක් එන්නෙ නැහැ. ඒ මොකද දන්නෙ නෑ. ඉතින් මම මේ ගැන කල්පනා කර කර ඉන්නකොට සින්දුවක් ඇහුන, ඒ සින්දුවට හිත ටිකක් ඇදිල ගියා. ඉතින් ඒ සින්දුව ඔයාලටත් අහන්න දාන්න ඕනා කියල හිතුනා. රස විඳලම බලන්නකො..

ඔයාලත් කැමතිනම්
ප්‍රතිචාරයක් දාල යන්න..

~~ඉතිරි ටිකත් කියවන්න..

තවත් එක් සත්‍ය කතාවක්

මේ දවස්වල අපිට විභාගෙ තිබුන නිසා ගොඩාක් ස්ට්‍රෙස් එකේ උන්නෙ. හැමෝම එහෙමනෙ. විභාගෙ කල් යනවනම් හැමෝම කැමතියි, මට දැනෙන විදියට. කීප දෙනෙක් ඇරෙන්න. ඔයාලටත් ඒ අත්දැකීම ඇතිනෙ? විභාගෙට කලින් දාට හිතෙන්නෙ , අනේ හෙට විභාගෙ අනිද්දට  කල් යනවනම් කොයි තරම් හොඳඳ කියල නේද?

ඉතින් ඔය ඉන්න අතරෙ, දන්නවනෙ සමහරු ඉන්නවා යාලුවො, සෙට් උනාම කතන්දර කිය කිය ඉන්න, ඉතින් ඔය විභාගෙකට සම්බන්ද කතාවක් තමයි මේක. මම කියන්නම් දැන් ඒ කතාව. ඔන්න අහගන්න,


හැමෝම කැමති දවස ව්නෝදයෙන් ගත කරන්නනෙ. පාර්ටි වලට යන්න හැමෝම කැමතියි. ඉතින් මම කියන්න යන්නෙ යාලුවො 4 දෙනෙක් ගැන.

දවසක් මේ යාලුවො 4 දෙනා, පාර්ටි එකකට ගිහින්. නටලා, කාල බීල හොඳටම විනෝද වෙන්න. ඉතින් ඒත් මේ 4 දෙනාට පහුවෙනිදට කැම්පස් එකේ විභාගෙ. මොනවත්ම බලල තිබිල නෑ. ඉතින් ආපහු වේලස්සන, නවාතැනට ගිහින් පාඩම් කරන්න කියල හිතන් උන්න මේ යාලුවො ටිකට, දන්නෙම නැතුව, පාර්ටි එකට හිත ඇදිල ගිහින් ගෙදර එන වෙලාව වෙනකොට උදෙත් වෙලා.

දැන් මොනව කරන්නද? ගිහින් විභාගෙ ලියන්න කියලද, ඇයි මොනවත්ම දන්නෙ නෑනෙ. ඉතින් මේ කට්ටිය කල්පනා කෙරුවලු මේකට මොකක්ද කරන්නෙ කියල. එක යාලුවෙක්ට ආවලු අදහසක්.
"අපි දැන් හොඳටම ඇඳුම් ටික කිලිටි කරගෙන ඩීන් සර් ලඟට යමු",කියල ඒ යාලුව කිව්වලු.


ඉතින් කට්ටියම එහෙමම ගියාලු ඩින් සර් ගාවට ඇඳුම් ටිකත් කිලිටි කරගෙන. ගිහින් කිව්වලු,
"සර්, අපි ඊයෙ යාලුවෙක්ගෙ ගෙදර වෙඩින් එකකට ගිහින් එදිදි කාර් එකේ ටයර් එක ගියා, දැන් තමයි කාර් එක හදාගෙන එන්නෙ. ඉතින් සර් අපි මෙහෙම කිලිටි ඇඳුම් ඇඳගෙන විභාගෙ ලියන්නෙ කොහොමද?"


කියල. ඉතින් සර් කල්පනා කරන කිව්වලු ඔයාල 4 දෙනාට විතරක් එහෙනම් විශේෂ විභාගයක් තියන්නම්, දවස් 3කට පස්සෙ කියල. ඉතින් යාලුවොත් එකඟ උනාලු.
කට්ටියගෙ වැඩේ සාර්ථක උනානෙ. යාලුවො 4 දෙනාට ගොඩාක් සතුටුලු. ඉතින් කට්ටිය නවාතැනට ගිහින් දවස් 3ම හොඳට පාඩම් කෙරුවලු  A+ එකක් විභාගෙට අරගන්න.

ඉතින් විභාගෙ තියන දවස ආව දවස් 3කට පස්සෙ. කට්ටියම සතුටින් විභාගෙට ගියා.
විභාග ශාලාවෙදි සර් කිව්වලු, "ඔයාලට විශේෂ විභාගයක් තියෙන්නෙ, ඒක නිසා 4 දෙනාව ශාලා 4කට දාල තමයි විභාගෙට උත්තර ලියන්න දෙන්න වෙන්නෙ"කියල.

කට්ටියම එකඟ උනාලු, මොකද බය වෙන්න දෙයක් නෑනෙ, කොපි කරන්න ඕනත් නෑ, පාඩම් කරලනෙ ආවෙ. ඉතින් 4 දෙනාව ශාලා 4කට දාල පේපර්ස් දුන්නලු.



කට්ටියම පේපර්ස් අරගෙන ලියන්න බලනකොට, පේපර් එකේ ප්‍රශ්න 2යි ලු තියෙන්නෙ.

1) ඔබගේ නම කුමක්ද? (ලකුනු 2)

2)කාර් එකේ පිපිරුනේ මොන ටයරයද?
   a)ඉදිරි දකුනුපස
   b)ඉදිරි වම්පස
   c)පසුපස දකුනුපස
   d)පසුපස වම්පස           (ලකුනු 98)




ඉතින් ඔන්න ඕක තමයි කතාව. මේ කතාව කියපු ගුරා නම් කිව්වෙ මේක ඇත්තටම සිදු උන සිද්දියක් කියල. ඒත් මමනම් හරියටම දන්නෙ නෑ හොඳද?

ඉතින් අපිට මේකෙන් ගන්න තියන පාඩම මොකක්ද?

හොර බොරු වැඩ නොකර ඉන්න කියන එකද? එහෙම ආදර්ශයකුත් හොඳයි.

ඒත් මටනම් හිතෙන්නෙ , අපි මොකක් හරි අපිට විශේෂ කාර්යක් සැලසුම් කරනකොට, වෙන්න පුලුවන් හැම පැත්ත ගැනම හොඳට හිතල බලල තමයි තීරන ගන්න ඕන.දෙයක් සිද්ද උනාට පස්සෙ ආපස්සට ගන්න බෑනෙ. ඉතින් දෙයක් වෙන්න කලින් වෙන්න පුලුවන් අකරතැබ්බ මොනවද කියල හොඳට කල්පනා කරල තීරන ගන්න. ඔයාලටත් වැඩිය කල්පනා කරන්නෙ නැතිව අරගත්තු තීරන නිසා දුක් වෙන්න උන අවස්තාවල් එමට ඇති. මටත් එහෙමයි.

ඉතින් ඔන්න ඔහොමයි සිද්දිය... කමෙන්ට් එකක් දාල යන්න අමතක කරන්න එපා.




සුභ දවසක් හැමෝටම.

~~ඉතිරි ටිකත් කියවන්න..

Dear John Vs The Last Song

අද බොහොම නිදහස් දවසක්. මොකද කියල කියනවනම් අද තමයි සෙමෙස්ටර් එකේ අන්තිම විභාගෙ ඉවර උනේ.හිතට මාර නිදහසක්.

ඉස්සර අලුතින් එන එක ෆිල්ම් එකක්වත් මග අරින්නෙ නෑ මම. ඒත් මේ දවස් වල තිබුන කාර්යබහුල කම නිසා බලන්න බැරි උනා කාලෙකින් ෆිල්ම් එකක්.
ඉතින් අද කාමරේට ඇවිත් ඉන්නකොට තමයි මතක් උනේ දැන් ටික කාලෙකට කලින් බාපු ෆිල්ම් එකක් තිබුනනෙ හාඩ් එකේ කියල. ඉතින් ඒ ෆිල්ම් එක හොයන්න යනකොට හම්බ උනා තව ෆිල්ම් එකක්. ඉතින් ඒ ෆිල්ම් දෙක තමයි DEAR JOHN සහ THE LAST SONG. ගොඩාක්ම කැමති  Romantic  ෆිල්ම්ස් වලට නිසා මටත් හරිම කික් එකක් ආව මේ ෆිල්ම්ස් දෙකම බලනව කියල. ඉතින් මුලින්ම කියන්න යන්නෙ  DEAR JOHN  ගැන.


මේ ෆිල්ම් එක ගැන කියනවනම් ඉතාමත්ම හැඟීම්බර ෆිල්ම් එකක්. ආදර වන්තයින් දෙන්නෙක් ගැන. හදිස්සියෙන්ම හමුවෙන මොවුන් සති 2 යනකොට දෙන්නට දෙන්න, නැතුව ඉන්න බැරි තරමටම ආදරවන්තයින් වෙලා. කොල්ලගෙ නම තමයි, ජොන්. කෙල්ලගෙ නම අමන්දා. කොල්ලා එස්.එෆ් එකේ වඩ කරන්නෙ. කෙල්ල ඉගෙන ගන්නව. ඉතින් ඔය දෙන්නගෙ ආදර කතාවට මොකද වෙන්නෙ? බලන්නම ඕන කතාවක් තමයි.
ජොන් , ආමි එකේ ඉන්නකොට තමයි සේරම දේවල් වෙන්නෙ. කොහොම හරි අමන්දා, ජොන් නැතිව මාස ගනනක් දුක් වෙවී ඉන්නව. අන්තිමට මොකක් හරි හේතුවක් නිසා, දෙන්නගෙ බැඳීම නැති වෙනව. ඒත් දෙන්නට දෙන්න ගොඩාක් ආදරෙයි.
ඔය අතරෙ ගොඩාක් දේවල් දෙන්නගෙම ජීවිත අතරට එනව. ජොන් ආපහු ගෙදර එන්නෙ අවුරුදු 5 කට පස්සෙ.
ඇවිත් අමන්දාව දකිනකොට, ඇයගෙ ජීවිතේ මොන තරම් වෙනස් වෙලාද, ජොන්ට තිබුන ආදරෙට මොකද උනේ කියල මම කියන එක හරි නැහැ, මොකද සමහරවිට ඔයාල ෆිල්ම් එක බලල නැතිව තියෙන්න පුලුවන්නෙ.
ඒක නිසා මේ ෆිල්ම් එක බාලම බලන්න. වරද්දන්න එපා, හැඟීම්බර, ආදරය, දුක, ජීවිතය මුසු උන ෆිල්ම් එකක් මේක.

උඩ තියන පෙර දසුන බලල මෙතනින් බාගන්න DEAR JOHN







The Last Song ගැනත් කියන්න ඕනා. මොකද ආදරවන්තයින්ට ගැලපෙන ෆිල්ම් එකක් තමයි මේක. මට මේකෙ හම්බ උන කොපිය හොඳ එකක් නෙමෙයි. ඒක නිසා හොඳ කොපියක් හම්බ උන ගමන්ම දාන්නම්.

මේකත් අනිවාර්යෙන්ම බලන්න. මොකක්ද වැඩියෙන්ම හොඳ? ඔයාලම තීරනය කරන්න. මටනම් දෙකම සුපර්බ්.

ජය වේවා..

~~ඉතිරි ටිකත් කියවන්න..

සුදු ගවුමෙ ඇයි නංගි මඩ ගෑවුනේ......

                                                                         ලඟදි අහපු සින්දුවක්. සංගීතය, තනුව, පද රචනය හොඳින් කරල තියනව මට දැනෙන විදියට. තරමක හොඳ සින්දුවක් කියල හිතනව ඔයාලටත් මේක.

 මම මේ සින්දුව ගැන කතා කරන්න යන්නෙ මේ සින්දුවයි, විෂුවල් එකයි, දකිද්දි මට යම්කිසි  දෙයක් ඔලුවට ආවා. ඒ කියන්නෙ මේ සින්දුවෙ තේරුම, මොකක්ද කියන එක. පොඩ්ඩක් අහල බලල වීඩියෝ එකත් එක්ක, මොන වගේ තේරුමක්ද එන්නෙ කියල හිතල බලන්න, සින්දු වලට කැමති අය.

සමහර අය මේ ලිපිය බලල සමහරවිට මට බනී, කිසි වැදගත් නැති දෙයක් දාල කියල.

විවේචන කාටත් දාන්න පුලුවන්. මම මේ සින්දුව ප්‍රොමොට් කරන්න එහෙම හදනව නෙමෙයි ඔන්න. නිකමට හිතුන අදහසක්.

වැරදියට හිතන්න එපා.

මේ කාලෙ ගෑනු ලමයි ගැන කතා කරන්න කොඉ තරම් දේවල් තියනවද? නොයෙක් විදියෙ ගෑනු ළමයි ඉන්නව. ඔයාල දන්නව ඇති මටත් වඩා හොඳට. මොකද මම ඒ ගැන ඈ තරම් දන්නෙ නැති නිසා. කොහොම උනත් මම මේ සින්දුව  අහනකොට කල්පනා උන දෙයක්.

සුදු ගවුම- චරිතය

මඩ-පැල්ලම්

බොර ගං දිය-විසේ කාරකම

ගං දෑල-සමාජය

මල්-අශාවන්

තමුන්ගෙ අදහස් තමුන්ට ආවේනිකයිනෙ. ඉතින් මට හිතුන දෙයක්. සමහරවිට, මේ සින්දුවට ආස කරන අයගෙන් බැනුම් අහන්න වෙයිද දන්නෙත් නෑ.


ඔයාලටත් මේ ගැන කියන්න, අදහසක් දෙන්න තියනවනම් කමෙන්ට් එකක් දාලම යන්න.



ජය වේවා....

~~ඉතිරි ටිකත් කියවන්න..

"ජීවිතේ...." මොකක්ද මේකෙ තේරුම....

                                        ගොඩ කාලෙකින් ලියන්න බැරි උනා මොනවත්. ඒක නිසා අද මොනව හරි ලියන්න හිතුවෙ, ලියන්න දේවල් නම් ගොඩාක් තියනව. ඒත් මේ දවස්වල ගොඩක් කාර්යබහුල වෙලා උන්න නිසා හිත ටිකක් විතර නොසන්සුන්.

මට හිතුන අද මගෙ හිතට දැනුන දේවල් ටිකක් ඔයාලට කියන්න. මොකද අද මට දැනුන හැඟීම හරිම වෙනස් දෙයක්.


*අපේ ජීවිතේ අර්ථය මොකක්ද?
*අපි කොයි තරම් කල් ජීවත් වෙනවද?
*ජීවත් වෙන කාල සීමාව තුල අපි ලබාගන්න ඕනා දේවල් මොනවද?
*අපිට උවමනා දේවල් ලබාගන්න බැරි උනාම අපිට දැනෙන විදිය?
*අනිත් අයට කරදරයක්, උදවුවක් ඕන උනාම අපි කරන්නෙ මොනවද?
*අපේ ජීවිත කාලය තුල අපෙන් වැරදි සිද්ද උන අය කොයි තරම් ඉන්නවද?


ඇත්තටම අපිට අපි කරපු වැරදි වලට දඬුවම් ලැබෙනවද?
ජීවත් වෙන්නෙ අවුරුදු කීපයයයි.

ඇත්තටම අපි මේ කරන්නෙ මොනවද?

ගොඩාක් අය කරන්නෙ, ඉගෙන ගන්නව, ජොබ් එකක් කරනව, පවුල් ජීවිතයක් ගත කරනව. ඊට එහා දෙයක් ගැන හිතන්නවත් සමහරු උත්සාහ කරන්නෙ නැහැ. ඒකට හේතුව මොකක්ද? සල්ලි හම්බ කරන්න නේද හැමෝම බලන්නෙ ඉක්මනට. සමහරු හොඳින්, සමහරු නරකින්.


අපේ රටේ ගොඩාක් මනුස්සයිගෙ මතය තමයි, ඉගෙන ගත්තෙ නැත්තන්, ජීවත් වෙන්න අමාරුයි, එතනින් එහාට මාර්ග අඩුයි ජීවිතය ඉස්සරහට අරගෙන යන්න කියන එක. ඒක ගොඩක් දෙමවුපියන්ගෙ මතය. ඔයලගෙ දෙමවුපියොත් කැමති තමුන්ගෙ දරුව හොඳට ඉගෙනගෙන හොඳ තැනකට යනවට. ඒත් සමහර දෙමවුපියො මම දැකල තියනව, ළමයින්ට බලෙන් උගන්වනව. තමුන්ගෙ අශාව ඉෂ්ට කර ගන්න.

ඒ ඇයි?

අපි අනිත් අයගෙ හැඟීම් කොහොමද කියල හිතන්නෙ නැහැ,
"අපිට මොකද අනිත් අයට මොනව උනත්?"
 එහෙම හිතන අය ඉන්නව ගොඩාක් මේ ලෝකෙ. වැඩිම පිරිසක් එහෙම අය.


පොඩ්ඩක් හිතල බලන්න ඔයාලත් මේ ගැන. තමුන්ට කරදයක් ඇති උන වෙලාවට දැනෙන හැඟීම මොන වගේද, ඒ වගේ හැඟීමක් තමයි, අනිත් අයටත් ප්‍රශ්නයක් උනාම දැනෙන්නෙ. කවදාවත් ඒ දාල යන්න හදන්න එපා. ඒ වගේ දෙයක් සමහර අයට දරා  ගන්න අමාරුයි.

ඉතින් අපිත් කවද හරි ලොකු මිනිස්සු වෙයි. ඒ උනාට, දුප්පත් මිනිහටත්, පෝසත් මිනිහටත්, ප්‍රශ්න තියන මිනිහටත්, සතුටින් ඉන්න මිනිහටත් මේ ලෝකෙ ජීවත් වෙන්න තියෙන්නෙ ටික කාලයයි. ඒක නිසා අපි හැමෝම  අනිත් අයට උදව් කරගෙන ජීවත් වෙන්න ඕන නේද?

නීතියට වැඩ කරන සමහර මිනුස්සයො ඉන්නව, මනුස්ස කම ගැන පොඩ්ඩක්වත් හිතන්නෙ නැති. ඇයි ඒ? තමුන්ගෙ වර්ගය ගැන බලන්නෙ නැති ඒ අය අයිති වෙන්නෙ මොන වර්ගයටද?



පොඩ්ඩක් හිතල බලන්න තනියම , නිදාගන්න යනකොට, ඔයාලගෙ ජීවිත ගැනත්....

හැම දේම සාර්තක වෙන්න කියල ප්‍රාර්තනා කරනව මම.. හද පතුලින්ම....

අපේ ජීවිත වලට දුක, සැප, කරදර, වේදනා එනව, යනව, ඒක තමයි ජීවිතේ. ලැබෙන්න තියන දේවල් ලැබෙනව, නොලැබෙන දේවල් ගොඩායි. ඒත් දුක් වෙන්නෙ මොකටද?  එවාට බියවෙලා පලායන්න එපා,

ඒවට නොසැලී මූන දෙන්න. ධනාත්මකව සිතන්න, අපිට නැති උන දේවල් ගැන සිතන්න එපා. ඉදිරියට ලබාගන්න තියන දේවල් ගැන හිතන්න.

කිසිම දාක, තමුන්ගෙ සිතට තමුන්ව පාලනය කරන්න දෙන්න එපා, තමුන් සිත පාලනය කරන්න.

එයයි ජීවිතයේ සැබෑ අර්ථය..




සදා ජය..

~~ඉතිරි ටිකත් කියවන්න..

රස කතාවක්

අද මම ආව නුවර, ඒ කියන්නෙ මම අධ්‍යපනය හදාරන තැන පේරාදෙනියට. හෙට අපේ සීනියර්ස් ලගෙ ගොයින් ඩවුන් එක. ඉතින් අපි සින්දු ටිකක් පුරුදු උනා කියන්න හෙට, අපේ වාදන කන්ඩායම. කෑම කන්න පුහුනුවීම් නවත්වනකොට 10ට විතර රෑ. ඉතින් යාලුවෙක්ගෙ වාහනේම ගියා කන්න පේරාදෙනියට, නේවාසිකාගාරයේ ඉඳන්.

ඉතින්  කෑම කන ගමන් එක යාලුවෙක් කියපු රස කතාවක් ලියන්න කියල හිතුන අද.

මුලින්ම කියන්න ඕන අපිව වාහනේ අරන් ගිය යාලුවගෙයි, කතාව කිව්ව යාලුවගෙයි දෙන්නගෙම උපන් දින අද.

ඒක නිසා දෙන්නට සුභම සුභ උපන් දිනයක් වේවා, කියල කියන්න ඕනි මුලින්ම.
හරි, දැන් අපි කතාවට යමු. මෙන්න මේකයි කතාව.
..............................................................................................

පොඩි කොල්ලෙක් ගැන තමයි මේ කතාව. මේ කොල්ල පොඩි කාලෙ ඉඳන්ම හරිම අන්ඩපාලයලු.
 කියන තරමක් කියන්නෙ බොරු, හැම වෙලේම කලොත් කරන්නෙ මොකක් හරි අන්ඩපාල වැඩක්.

ඉතින් මේ කොලුවගෙ තාත්ත, දවසක් අරන් ඇවිත් තියෙන්නෙ මොකක්ද දන්නවද? රොබෝ අතක්.

මේ රොබෝ අත, කවුරු හරි බොරුවක් කිව්වොත් ස්වයන්ක්‍රීයව අ බොරුව කිව්ව කෙනාට පහරක් එල්ල කරනවලු. ඉතින් මේ කොලුවගෙ තාත්ත, මෙ රොබෝ අත අරන් ඇවිත් මේසෙ උඩ තියල, පුතාට එන්න කියල, ඇහුවලු,


"පුතේ, මේ පාර, විභාගෙට ලකුනු කීයද?"

පුතා දන්නෙ නෑනෙ රොබෝ අත ගැන. ඒකත් අත ගගා උන්න කොල්ල කීවලු,

"හොඳයි, තාත්තෙ, ඔක්කොටම 80 ට වඩා තියනව" කියල,

ඒ කියපු ගමන්ම රොබෝ අතින් අරන් කොල්ලට දුන්නලු තරු පේන්න පාරක්.

තාත්ත  කිව්වලු ඒට පස්සෙ,
 "උබ මට බොරු කරන්න හිතුව මදි, මමනම් උබ වගේ නෙමේ ඒ කාලේ හැම විෂයටම 90 ට වඩා ගත්ත" කියල. එතකොටම අර රොබෝ අතින් තාත්තටත් තරු පේන්න 6 පාරක් වැදුනලු.

දැන් මේක දිහෑ බලාගෙන උන්න අම්මට  පුදුම හිනාවක්ලු, දෙන්නම බොරු කියල ගුටි කෑවනෙ.

අම්ම කිව්වලු  "ඔව් ඉතින් දෙන්නම එකයි", කියල පුතා ගාවට ගිහින් කන මිරිකල කිව්වලු,
"මේකත් ඉතින් තාත්ත වගේමයි, තාත්තගෙම පුතානෙ" කියල,

ඒ කියපු ගමන්ම අම්මටත් අර රොබෝ අතින් වැදුනලු හොඳ කනේ පාරක්.

.....................................................................................................

කතාව කියල ඉවර උන ගමන්ම , හිනා ගියා කියන්නෙ, තව පොඩ්ඩෙන් කකා උන්න කෑම ටිකත් හිර වෙනව.

කාල බීල ඇවිත් මේ නිදාගන්න කියල ලෑස්ති උනේ. ඊට පස්සෙ හිතුන මේ කතාව ඔයාලට කියලම නිදාගන්නව කියල. හරිම මහන්සියි. හෙට වැඩ ගොඩයි.

සුභ රාත්‍රියක්....

~~ඉතිරි ටිකත් කියවන්න..

දුම්ර්‍රියේ විත්ති

හ්ම්ම්... දවස් කීපයකට පස්සෙ අද ලිපියක් ලියන්න හම්බ උනේ. මේ දවස්වල තියන වැඩ, රාජකාරි එක්ක වෙලාවක් හොයාගන්නව කියන්නෙ මොන තරම් අමාරුවක්ද කියල ඔයාලට අමුතුවෙන් කියන්න ඕන නැහැනෙ.

අපිට මේ දවස් ටිකේ Training වලට Interviews . අද මම ගියා දෙමටගොඩ. ප්‍රසිද්ධ ආයතනයක සම්මුඛ පරීක්ෂනයකට. ඉතින් එහිදී උන සිදුවීම් කියන්න යන්නෙ නැහැ මම. මම කියන්න යන්නෙ වෙන දෙයක් ගැන.

ඉතින්  මම අද මගේ ගමන සඳහා භාවිතා කලේ දුම්ර්‍රිය  ප්‍රවාහන සේවය. ඒකත් මාර ගති. පැද්දි ,පැද්දි හිමින් සීරුවෙ මහන්සියක් නැතිව යන්න පුලුවන් එකම සේවය දුම්ර්‍රිය සේවයනෙ.



5.20 ඔෆිස් ට්‍රේන් එක. සම්මුඛ පරීක්ෂණය ඉවර උනේ 5.18 ට. මොනව කරන්නද, දිව්වා, දිව්වා ට්‍රේන් එක අල්ල ගන්න ස්ටේෂන් එකට. වේලාව 5.25. හොඳ වෙලාවට ලංකාවේ තියන විධිමත්,කාලානුගත ප්‍රවාහන සේවයට පින් සිද්ද වෙන්න දුම්ර්‍රිය දෙමටගොඩට ලඟාවෙනකොට 5.30 ට විතර ඇති.

 "සෙනග කට කපල එකයි."

බොහොම අමාරුවෙන් ගොඩ උනා අන්තිම පෙට්ටියට. ජැන්ඩියට ඇඳල උන්න මගෙ ඇඳුම හරියට නිකම්

"නාල ඉවර වෙලා පිහපු තුවායක් වගේ"

 මොනව කරන්නද ඉතින්. ගොඩාක් මිනිස්සු ෆූට් බෝඩ් එකේ. ඔහොම  ගියා හිටගෙන. කඳානෙ න් බැස්සා හෙන ලොට් එකක්. මට ඉතින් නිවන් ගියා වගේ. ඊට පස්සෙ ආතල් එකේ හුලන් ටිකක් වැදෙන විදියට ආව.


මගෙ යාලුවෙක් උන්නා, ඊට ඉදිරියෙන් තිබුන නැවතුම් පලේ. මීගමුව. ඔන්න ඉතින් මාත් මීගමුවට ලං වෙලා දුන්න කෝල් එකක් "මචන් , උම්බ කොහෙද ඉන්නෙ?"

"මම මේ ඉන්නෙ මීගමුවෙ.ට්‍රේන් එකට නගින්නයි යන්නෙ. "

"එල එල අන්තිම පෙට්ටියට නැගපන්"  මම එහෙම කිව්වෙ මේ වෙනකොට මම ආසනයක ඉඳන් උන්න නිසා.

"අපෝ බන් , ට්‍රේන් වල යන්න දන්නෙ නැද්ද බන්, ට්‍රේන් එක කියන්නෙ හරියට දිව්ය ලෝකෙ වගේ, හිටගෙන යන් වරෙන්" කියපු යාලුව,
 මිනිහගෙ ගැන්සියෙ දෙන්නෙක් එක්ක නැග්ග දුම්ර්‍රියට. මාත් ඉතින් මෙච්චර වෙලා කම්මැලිකමටනෙ උන්නෙ. යන්කො මුන් මෙ කියන්නෙ මොනවද කියල බලන්න කියල ගියා හිටගෙන.


දැන්නෙ ට්‍රේන් එකේ විස්තරේ හරියට පේන්නෙ. නාකි ලොක්කො(ඔෆිස් ගිහින් එන ) ටික අසුන් වල "බූරු ගහනව" සමහරු නිදි කිරා වැටෙනව. තවත් සමහරු, පොත් කියවනව (මටනම් වාහනේක යනකොට පොත් කියවනව කියන්නෙ ඇලජික්, වමනෙ යන්නම එනව) තවත් සමහරු ඕප දූප(නැන්දලයි, අක්කලයි සෙට් වෙල),

හොඳම හරිය ඊට පස්සෙ. සමහරු පෙම් බස්. "සුදූ, ඔයාට බඩගිනිද?"

ඊට පස්සෙ ටික වෙලාවකින් ඇහෙනව "කූල් වතුර, කඩලේ, වඩේ,වඩේ,වඩේ "

"අපි දෙන්නම කඩල එකක් අරන් කමු සුදූ" කියන ජෝඩුව, කඩල අරන් කනව පැත්තකට වෙල.

අපි වගේ මොකටවත් නැති උන් කෙල්ලො දිහා කන්න වගේ බලන් ඉන්නව.


ඔන්න ඕක තමයි සීන් එක යාලුව කිව්ව. හරි ගියයි කියමුකො. කෙල්ලෙකුත් ඉන්නව, දැන් යාලුවො 3, මමයි,
"මචන් පට්ට කෑල්ලක් ඉන්නව, වරෙන් වරෙන්" මගෙ යාලුව කිව්ව ,


ගියා තුන් දෙනාම, ඉස්සරහට, කෑල්ල බලන්න. මමත් ගිය පිටි පස්සෙන්, මොකටත්, ඇයි නැත්තම් වැලි කන්න උනොත් එහෙම.

වැලි කන කතාව මොකක්ද කියල බලනව ඇති ඔයාල. ඒකත් කියලම ඉන්නම්කො.

.........................................................................................................
අපේ එකෙක් ක්ලාස් යන කාලෙ (සක්යා) භෞතික විද්‍යවට දවසක් මූගෙ කුපාඩි කමට


උඩ බිල්ඩින් එකේ ඉඳන් කෙල්ල්ක්ට විසිල් එකක් ගහල, ඇහැක් ගහල.
ඊට පස්සෙ මේ කෙල්ල, යාලුව දිහා ඔරවල බලල " වැලි කාපිය, ...... ........" කියල. මම හිස්තැන් දැම්මෙ ඒක නරක වචන 2ක් නිසා. ඒ වගේ වචන කියන කෙල්ලො උන්නදත් කියල පුදුමයි.


එදා ඉඳල තමයි, කෙල්ලෙක්ට මොනව හරි කියල චාටර් උනොත් වැලි කනව කියල කියන්නෙ.


මේකයි වැලි කෑමේ උපත.
.....................................................................................................

දැන් අපේ කතාවට එමු. ඉතින් ගියා බලන්න. බැලින්නම් එතන උන්න අනිත් දෙන්නගෙන් එක කොල්ලෙක්ගෙ නංගි කෙනෙක්. එතන ඉඳල අනිත් දෙන්න,

" අනේ මගේ මස්සිනා"      කියගෙන  අර කොල්ලව බදාගෙන එකම විකාරයයි.


යන එන කෙල්ලන්ගෙන් අහනව, "ඔයාව කාලෙකින් දැක්කෙ"
"කොහොමද ඉතින්" කියල.
මාර මාර සීන් එතන.


ඔය අතරෙ ඔය යාලුව කිව්වා කතාවක්, ට්‍රේන් එකේ යනකොට දවසක් උන දෙයක්.
...................................................................................
දවසක් මනුස්සයෙක් කිරිහට්ටි 9ක් විතර ෂීට් එක උඩ තියාගෙන යනවලු. වැඩිය සෙනගත් නැති දවසක. ඊට පස්සෙ එතනට අවිදින් පවුලක්. ඒ කියන්නෙ ගෑනු කෙනෙකුයි, පිරිමි කෙනෙකුයි. අර කිරි හට්ටි අරන් යන මනුස්සය එක්ක කතා බහ කරල මිනිහව ෂේප් කරල කිරි හට්ටි දෙකකුත් කොහොම හරි සෙට් කරන්. අපේ සෙට් එකට මේකට මාර ප්‍රශ්නලු. කිරි හොරු දෙන්නෙක්නෙ කියල කතා වෙවී උන්නලු කට්ටිය.


අර ගෑනු කෙනයි, පිරිමි කෙනයි බැහැල ගියාලු ඊට පස්සෙ. කිරි හට්ටි දෙකකටත් වැඩේ දීගෙන යන දෙන්නව දකිනකොට, මුන්ගෙ දත කට, හිරි වටෙනලලු. ඔතන උන්න උන්ගෙන් දත , කට පූට්ටු වෙන්න ලන් උන එකෙක් ඉවසන්නම බැරි තැන ට්‍රේන් එකෙන් එලියට ඔලුව දාල පදික වේදිකාවෙ යන අර ගෑනු කෙනාටයි, මනුස්සයටයි කෑගහල කිව්වලු,


 "මෙන්න කිරි හොරු දෙන්නෙක් "  කියල.


 ඒක ඇහුන අර මනුස්සයො දෙන්න තද උන පාරට, කිරි හට්ටි දෙක පොලවෙ ගැහුව කියල තමයි පොතේ ගුරා ඒ වෙලාවෙ කිව්වෙ.
......................................................................................


හරි. ඒකත් එහෙමඉ කියමුකො. ඊට පස්සෙ දකින්න හම්බුනෙ කපල්, කපල් බලන බලන අත, ගෑනු ළමයි බැලු බැලු අත. කොල්ලො මේ තරම් ට්‍රේන් එකේ යන්න දඟලන්නෙ ඇඉ කියල මට තේරුනෙ, ඒ වෙලාවෙ.

මගෙ යාලුවගෙ අදහසනම් , ගොඩාක් අයගෙ ආදරේ පටන් ගන්නෙ කෝච්චියෙන් කියලයි.

එකත් බලන් යනකොට, ඇත්තනෙ. කෝච්චිය හිමීට, ගැසිසි ගැසිසි, හැම තැනම නතර කර කර යනව. බ්‍රේක් ගහනව. වෙලාවට එන්නෙ නැහැ.

ආදරේට කොයි තරම් දුරට සමිපද? ඒක මමනම් හරියටම දන්නෙ නැහැ. ඔයාල දන්නව ඇතිනෙ.......

ඔයාල ඕන තරම් කෝච්චිවල ගිහින් ඇතිනෙ, කෝච්චි මාරු කරල ඇතිනෙ. කෝච්ච් මිස් වෙලත් ඇතිනෙ ඕන තරම් නේද?.....







ජය වේවා කිව්ව ඕං..

~~ඉතිරි ටිකත් කියවන්න..

වින්ඩෝස් ගැටලු

මම අද ලියන්න යන ලිපිය, Windows මෙහෙයුම් පද්දතිය සම්බන්ද අලුත් දෙයක් ගැන. මෙම කරුනු ඔබ සමහරවිට කලින් අහල ඇති. ඒත් මේ සම්බන්දව නොදන්නා අයත් ඉන්න පුලුවන් කියල හිතුන නිසයි මම මේ දේ පල කරන්න හිතුවෙ. ඇත්තටම මෙයට මායාවක් කිව්වොත් නිවැරදියි කියලත් හිතෙනව. මෙම ගැටලුවලට තවම Microsoft  කණ්ඩායමට පවා පිලිතුරු සොයා ගැනීමට  නොහැකිවී තියනව.

ඔබත් මේ දේවල් කලින් කරල බලල නැත්තම් , අදම කරල බලල හේතුවක් හොයාගන්න පුලුවන්ද කියල බලන්නකො.

.........................................................................................

1)  මෙය සොයගෙන තියෙන්නෙ ඉන්දියානු ජාතිකයෙක්. ඔබට පරිගනකයේ ඕනෑම තැනක "CON" නමින් Folder එකක්   හදන්න පුලුවන්ද කියල ට්‍රයි කරල බලල තියනවද කලින්? කරල නැත්තම් හදල බලන්න. ඔබට හදන්න පුලුවන්ද කියල. මම හිතන්නෙ බැරි වෙයි.

..........................................................................................

2)  මේ ට්‍රික් එක  Windows මෙහෙයුම් පද්දති පාවිච්චි කරන අයට කරල බලන්න.

• නෝට් පෑඩ් එක ඕපන් කරන්න
• ඊට පස්සෙ  Bush hid the facts කියල ටයිප් කරන්න
• කැමති තැනක සේව් කරන්න File  එක කැමති නමකින් 
• ඊට පස්සෙ File එක Close කරල ReOpen කරන්න

හිතා ගන්නටත් බැහැ නේද?

.............................................................................................

3) මෙම ගැටලුවට පිලිතුර බිල් ගේට්ස් ඇතුලු පිරිසටත් ගැටලුවක් බවට පත් වූ, බ්‍රසීල ජාතිකයෙක් සොයගන්නා ලද, ට්‍රික් එකක්

•  Microsoft Word ඕප්න් කරන්න
• ඊට පස්සෙ ට්යිප් කරන්න  =rand(200,99) කියල

       Enter  කී එක ඔබල බලන්නකො මොනාද වෙන්නෙ කියල. පුදුමයි      නේද?

..........................................................................................

4) ඔයාල දන්නවද ලෝක වෙළඳ මධ්‍ය්ස්තානයට එල්ල වුන ප්‍රහාර වලින් එකක Flight Number  එක Q33N.
ඉතින් නෝට් පෑඩ්/වර්ඩ් පෑග්/වර්ඩ් ඩොකිවුමන්ට් එකක ඒ අංකය ටයිප් කරල එක Font Size 72 කරල, Font එක Wingdings කරන්න. මොකක්ද උනේ?



      පුදුමයි නේද?
.........................................................................................

තවත් අරුම පුදුම , විනෝද දේ ඉදිරියට.

~~ඉතිරි ටිකත් කියවන්න..

සමුගැනීමේ කේක්ගෙඩිය

මම අද ලියන්න යන්නෙ පොඩි විනොදෙට බර ලිපියක්. මේ අදහස මම දැක්කෙ ඊ-මේලයක් මගින්. ඉතින් මට හිතුන මේ කතාව ඔයාල එක්කත් බෙදාගන්න.

 මම හිතන්නෙ හැම කෙනාම දන්නව "Marriage Cakes" කියන්නෙ මොනවටද කියල. විවාහ උත්සව වලදි, මනමාලයයි, මනමාලියි කපන්නෙ. ඊට පස්සෙ එයාල එකිනෙකාට ආදරයෙන් කවන්නෙ. දැකල තියනවනෙ? ඉතින් ඔය කේක් විවිධ හැඩයට හදල තියනව ඔයාල දැකල ඇති.

දෙන්න ඉන්න අපූරුව....

ලස්සනයි නේද, විවිද රටා වලින් හදල තියෙන්නෙ මේවා. ඉතින් අයිසින් වලින් තමයි මේ කේක් අලංකාර කරන්නෙ. සාමාන්‍යයෙන් මේවට විශාල වියදමක් දරන්නට වෙනව.

ඉතින් මම කියන්න ගියෙ වෙන කතාවක්නෙ. "Marriage Cakes" ගැන හැම කෙනාම දන්නවනෙ. ඒක කියන්න දෙයක් නැහැ.

ඒත් "Divorce Cakes" කියල ජාතියකුත් තියනව කියල දන්නවද? මමනම් ඇත්තටම මේ ගැන ඇහුවෙ ලඟදී.

                                             එකෙත් හැටි, මාරයි නේද?

මේ වගේ අදහක් කාට ආවද මන්ද,

මට ආරන්චියක් ආව ලඟදී, දැන් "Marriage Cakes" එක්ක බලනකොට, "Divorce Cakes" වල ඉල්ලුමත් වැඩි වෙනව කියල.

 ඒ මොකද , දැන් "Divorce" වෙන එක "Fashion" එකක් වෙලා නොවැ. අපේ රටේනම් ඒක ගොඩාක් දුරට අඩුයි. ඒත් ගොඩාක් , ඉන්නවා වෙන් වෙලා, තනියම පවුල් ජීවිත ගෙනියන.

ඔයාලත්  ලස්සන  Marriage Cake එකක්  ඔබලාගේ විවාහය වෙනුවෙන්   හදයි කියල මම බලාපොරොත්තු වෙනව, ඉදිරි අනාගතයෙදි. සමහරු දැනටමත් හදල ඇති.



ඔයාල "Divorce Cake"කේක් එකකුත් හදන්න බලාපොරොත්තු වෙනවද?


මටත් කියන්න හොඳේ.. මාත් ආසයි ඇත්තම සමුගැනීමේ කේක්ගෙඩියක් බලාගන්ට.

~~ඉතිරි ටිකත් කියවන්න..